Quattro chiacchiere su CoderDojo, in friulano!

23 Mar

Ce isal “CoderDojo”

CoderDojo al è un moviment internazionâl di volontaris, nasut dal 2011 in Irlande, che si son metûts adun par insegnà la programazion ai fruts dai 7 ai 14 agns.

Ce vuelial dì “CoderDojo”

Coder: programadôr di computer, dal inglês;
Dojo: palestre, dal gjaponês.

Finalitât

Insegnà i principis de programazion ai fruts. No vin la brame di fâju deventà ducj programadôrs, pluitost o vin sielt la programazion par dôs resons: la prime par là oltri il rapuart passîf che e an cul calcoladôr cuant che lu doprin par zuià e imparà, se no propit a capilu, almancul a cognossilu e dominâlu; ma soredut par stimolà il pinsîr logjic in gjenerâl, a imparà a frontà i problemis cun metodi e fantasie. E, parcè no, a confrontâsi cun chi altris e a lavorà insiemi.

Ce sucedial a un “CoderDojo”

Di solit a si costruîs un sempliç zûc tal computer. Si dopre un program a pueste, “Scratch”, fat dal MIT di Boston, che si po scjarià a gratis di Internet. Tal prin a spieghin un poc di Scratch, dopo si tache subite a meti adun, un toc par volte, il zûc. Si sielz i personazots, si decid ce che e an di fa, cemut e dulà che e an di movisi, ce che al sucêt cuant che si tocjin, e vie indenant. Tal zîr di une ore a si tire sù une biele robute!

No l’e come a scuele!

Prime di meti man a lis tastieris, e metin subite in clâr che non sin a scuele: nol ven dât nissun judizi a di nissun, a si è libars di domandà un consei a chel dongje, di judâsi l’un cun l’altri, a si po cucà ator e robà une idee chi e la. Ce che al ven presentât dal condutôr di fat a je juste une idee di zuc: se a un i ven su une fantasie divierse (une altre ambientazion, altris personaçs, une mecaniche di funzionament diferent), al è libar di cjapà la so strade: oltri a chei sentâts dongje, a son a disposizion diviers aiutants, clamâs “mentor”, che son li a pueste par da une man a chei che si cjatin cun un probleme masse grant par lôr. In chês cas, un “mentor” al fasarà in mut che sedi il frut stes a cjatà la soluzion juste par lui: no o si sin das la regule di tocjà il computer dai partecipants il mancul pussibil, e di judâ il frut cun un consei, o miôr ancjemò di sblocâju cuntune domande mirate. La regule che si sin dâts e je: stà di flanc, mai denant.

A cirin insome di creà une atmosfere rilassade, li che si po, e anzit a si sburte a provà, sbalià e imparà dai erôrs – un prin pas viers il metodi sientific. No l’e un cas che une altre regule che i mentors e an e je: falà nus plâs. Falà al po jessi un biel mut par imparà une robe gnove che no si spietavisi.

Coder Dojo FVG

Coder Dojo FVG al è il Dojo de nestre regjon, e al è nassût cu la voie di deventà il pont di riferiment dai Dojo che vignaran a nassi in Friûl. Il prin esperiment di CoderDojo ale stât fat il 5 di mai dal an pasât, te suaze dal DDay organizât dal DITEDI tal ambit dal progjet “Go On FVG”. Vie pe astat si sin cjatàs un cinc/seis di apassionâts di informatiche, di difusion de culture digjitâl, di paris e maris preocupâts pal doman dai nestris fiis, par viodi se si podeve trasformà chel esperiment in une apontament fis. Tal mes di Otubar o vin viert CoderDojoFVG e o sin partîs cun un CoderDojo a Tavagnà, il mes dopo o vin fat un a Cjasarse e poc dopo Nadâl un altri a Pordenon. Chei chi o son i trê Dojo storics, ma za a Fevrâr al è partît un gnûf CoderDojo a Triest, e il prin di marc e an fat il lôr prin CoderDojo i amis di Palme, e al è daur a partì un altri CoderDojo a Pradaman.

O ai gole di provà un CoderDojo

Prime di dut al va dit che l’ingrès ale gratis: no l’e di tirà fûr un franc. Cuant che un frut al va a un CoderDojo, al à di puartâsi daur trê robis: un gjenitôr, cal à di restà cun so fîi fin insom dal CoderDojo, un computer portatil, pussibilmentri cun Scratch za cjamât – sul nestri sît al è spiegât cemût fa, e une mirinde. Se no si cumbine di instalà Scratch di bessôi, nol impuarte, baste presentâsi un deis minuts prime al CoderDojo e domandà a cualchi mentor di cjariâlu sul computer. Par savè dulà e cuant cal ven fat il prossim CoderDojo al conven tignì di voli il sît. La iscrizion di solit a ven fate vie Internet o te biblioteche comunâl, a secont dai câs. Un CoderDojo al dure su las trê oris: la prime part a si impare a doprà Scratch e si imbastìs il zûc, dopo si fas mirinde ducj insiemi; la ultime ore/ore e mieze ognidun al lavore sul so program par fâlu plui biel, plui complicât, lavorant di logjiche e fantasie: insome, doprant la coce.

CoderDojo a scuele

O vin fat un TeacherDojo, un CoderDojo par mestris, sot Nadâl a Sauris, a Fevrâr un CoderDojo al Malignani e un al Volta di Triest. O sin contents di fa rivà il CoderDojo tes scuelis parcè che cussì o rivin a fa provà il CoderDojo ancje a chei fruts che par un robe o che altre no an mut di vignì ai CoderDojo che o fasin ator par Friûl.

Ringraziamo il nostro mentor Gianfranco per questa intervista!

One thought on “Quattro chiacchiere su CoderDojo, in friulano!

Leave a Reply

Your email address will not be published. Required fields are marked *